منتديات آل الضباعي
اهلا وسهلا بك زائرنا الكريم
وجودك زاد المنتدى تالقا وتسجيلك فية يشرفنا




نتمنى لك المتعة والفائدة معنا
المدير العام
تحياتي

منتديات آل الضباعي


 
الرئيسيةالبوابةاليوميةس .و .جبحـثالأعضاءالمجموعاتالتسجيلدخولدخول

شاطر | 
 

 يامصر هانت وبانت

اذهب الى الأسفل 
كاتب الموضوعرسالة
بنت شيوخ
""ّصاحب الموقع""ّ
avatar

عدد المساهمات : 1131
العمر : 24

مُساهمةموضوع: يامصر هانت وبانت   الأربعاء 20 أبريل - 7:30


يامصر هانت وبانت كلها كام يوم...

نهارنا نادي ونهار الندل مش باين

الدولة مفضلش منها إلا حبة شوم..

لو مش مصدق تعالي ع الميدان عاين

ياناس مفيش حاكم إلا من خيال محكوم..

واللي هيقعد في بيته بعدها خاين

اللي هيقعد كأنه سلم التانيين للأمن بإيديه وقاله هما ساكنين فين..

وصلت لضرب الرصاص ع الخلق في الميادين

حتى الجثث حجزوها اكمنهم خايفين..

يامصر أصبحنا أحياء وميتين مساجين

فاللي هيقعد في بيته يبقى مش مفهوم..

واللي هينزل الهي حارسه صاين

يامصر هانت وبانت كلها كام يوم..

نهارنا نادي ونهار الندل مش باين.

نهارنا نادي وبايدينا علي فكرة..

الصبح عنده فضول راح نعمل إيه بكرة.

إيده علي الباب وخايف يلمس الأكرة..

ادخل ياأستاذ براحتك والبلد حرة.

إحنا زهقنا نشوف الصبح من برة..

ادخل وخرج بقايا العتمة بالمرة.

الناس ديه حرة وجنود الأمن مضطرة..

ياصبح طلعت روحنا لجل تيجي ياخي.

طالعين نجبيها أهو فى كل حارة وحي..

حتى لو ضربونا بالرصاص الحي.

شوف المداين كدة مفروشة خلق وضي..

دايما مفاجأة ودايما وقتها معلوم.

الحكم لينا وليك الحق يامداين..

يامصر هانت وبانت كلها كام يوم .

نهارنا نادي ونهار الندل مش باين..

ياصف عسكر بدال الدرع شيلوة اثنين.

25 يناير ياشباب فاكرين..

كان فيه انجليز ووزير الداخلية تخين...

كان عنده برضه عساكر زيكم جامدين.

سابهم يموتوا علولا لم سأل فيهم..

كانوا شبهكم اساميكم اساميهم.

ياعسكري البهوات اللي بتحميهم..

ممكن يردوا عليك لما تناديهم.

ياعسكري أنا أصلي بس بستغرب..

لو لاقي تأكل وتشرب قوم ياعم اضرب.

اضرب عشان الوزير من ضربتك يطرب..

لكن هتشتغل ايه لما الوزير يهرب.

أما الشديد القوي القادر أبو القادر..

برميل تلامة نشع علي مصر من الآخر.

لو شافته معددة تكتب ادب ساخر..

ثابت يقول للهرم ياكابتن اتاخر.

ولم يزل معتقد ان الهرم هيقوم..

ادي الحجر والبشر قايمين ياسيد القوم.

والدين هيترد ياللي عشت متداين..

يامصر هانت وبانت كلها كام يوم.

نهارنا نادي ونهار الندل مش باين..

ده حكم أسرة ولا خوفو ولا خفرع.

ولا وجع بطن يتعالج بزيت خروع..

عمل مسوجر بعيد عنك ولايطلع.

جربنا فيه كل شىء ملقينا شىء ينفع..

ماطلعش بالأدوية جربنا ألف طبيب..

ولا بعطارة شيوخ ليهم بلح وزبيب.

ولا بجحفل مغولى وضرب بالقباقيب.

. عمل مسوجر وسفلي شغل تل أبيب.

وشغل أمريكا متغلف وختمة عليه..

ضيف زارنا ياعم من غير دعوة لابس بيه.

قعد 30 سنة مابيقولش قاعد لية..

والنية يديها لابنه النابغة بعديه.

ويقول قضا وقدر بين البشر محتوم..

قولناله طيب ومين قال للقدر معلوم.

واش عرفك يافخمتك بالذي كاين..


يامصر هانت وبانت كلها كام يوم..


الرجوع الى أعلى الصفحة اذهب الى الأسفل
http://aldbae.7olm.org
همس الغرام
""ّعضو برونزي""ّ

avatar

عدد المساهمات : 136

مُساهمةموضوع: رد: يامصر هانت وبانت   الجمعة 13 مايو - 6:46

يسلموا
الرجوع الى أعلى الصفحة اذهب الى الأسفل
moon 14
""ّعضو برونزي""ّ

avatar

عدد المساهمات : 132
العمر : 22

مُساهمةموضوع: رد: يامصر هانت وبانت   الأحد 15 مايو - 10:42

جمييييييييييييل
الرجوع الى أعلى الصفحة اذهب الى الأسفل
 
يامصر هانت وبانت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات آل الضباعي :: المنتدى الأدبي :: الخواطر والاشعار-
انتقل الى: